مفيش مشاكل يا حبيبى
شعاره فى كل الاوقات
ويا روحى ما تخدش فى بالك
حاحللك كل الازمات
يزرعلك الارض ف ثانية
من غير لا ساقية ولا محرات
لو شاف مصيبة يحللها
ويكلمك فى الاحتمالات
ويوهمك أنه يجيبلك
بدل الشهادة عشر شهادات
وإنه عارف وبيفهم
فى كل أنواع المجالات
وإن له اصحاب ياما
فى تسع جرايد ومجلات
وإنه ماشى بيفرق
فى كل أصناف الخدمات
وإنه عشان خفة دمه
مطلوب فى كل المجتمعات
ولو حضر عندك بلوى
أومره واحد صاحبك مات
يقول لك أنت متقلقش
عليا مسألة المعاشات
وابقى قابلنى لو شفته
غير بعدها بعدة سنوات
ليست هناك تعليقات:
إرسال تعليق