لاهو بيحرت ولابيبدر
ولا بيحصد ولا بيجمع
ولا بيسبك ولا بيطرق
ولا بيخرط ولا بيقطع
ولا بيشحن ولا بيخزن
وبيوزن ولا بيدفع
وهوه الغانم الأسلاب
وغيره يضرب المدفع
وسيط بين البينين يدخل
وهوه السيد المالك
وذا السوق ارتفع سالك
وذا السوق انضرب سالك
وغير مسئول عن التالف
وغير مسئول عن الهالك
وبالتليفون يجيب مليون
وميت مليون ولا يشبع
غراب ينعق على المحاصيل
وبـــــوم فى ساحة البورصه
وأفعى تجعل المقروص
يخش القبر من قرصه
وله يوم الصعود فرصه
وله يوم النزول فرصه
وهدم بيوت وخلق تموت
بحسره وهوه متمتع
