قصيدتى ( التابع ) و ( السهتان )















قصيدة (التابع)

يبرر يحلل
يفند يسيس
مالوهش ملامح
ومولود مليس
يدوبك بيقعد
مبحلق متيس
وشاطر بشدة
اذا عاز يهيس
ينافق ويمدح
يراهن يميس
مع كل قائد
مع أى ريس
يقول انت رائع
ودايما كويس

قصيدة (السهتان)

ساكت فى كل قعدة
وعيونه مبرقين
ومأنفد جوه جلده
وكفوفه مضمومين
راسم على وشه عيل
ما وصلش أربع سنين
وشارب كيلو دهشة
وتشوفه تقول حزين
وتقول مسكين فى حاله
م الامرا الطيبين
وتقول ولا حتى يعرف
هو من نسل مين
لاكن فى حقيقته ناصب
فى قلبه ميت كمين
وبكلمة واحدة فجأة
يخلى القعدة طين

ليست هناك تعليقات:

إرسال تعليق

Related Posts Plugin for WordPress, Blogger...