والسؤال هو السؤال
ليه نخبى ليه وشوشنا
من فرحنا
والا خوفنا ... ؟!
والا تعويذة وجودنا
والا رغبه ف المحال ....؟!
كرنفال
الوشوش ورق ولون
زى ماتتمنى .. كون
كون شريف
او حتى دون
المهم تخبى نفسك
م العيون ....!
م الحقيقه
م الخيال ...!
كرنفال
الحقيقه قطه سمرا
ف دنيا بيضا
الحقيقه قطه بيضا
ف دنيا ضلمة
الحقيقه ف الكياسه !!
ف الجاملة
الحقيقه ف المحاوله
ف المداوله
ف المشوره
الحقيقه دنيا تانيه
وناس جديده
ف براءة الملايكه
ف شجاعه الرجال
كرنفال !!
الشاعر عبد الوهاب على
ديوان ( للبحر حدوته )
ليست هناك تعليقات:
إرسال تعليق