يا اهل المغنى دماغنا وجعنا دقيقة سكوت الله
دا حنا شبعنا كلام ماله معنى ياليل وياعين ويا اه
طلعت موضه غصون وبلابل شابط فيها حزين
شاكى وباكى وقال مش عارف يشكى ويبكى لمين
واللى جابت له الداء والكافية طرشه ماهش سامعاه
ياهل المعنى دماغنا وجعنا دقيقة سكوت لله
ردى علية يا طيور بينادى وارمى له الجناحين
وانت كمان يا بابور الوادى قل له رايح على فين
قل له اياك يرتاح يا بابوره ويريحنا معاه
يا هل المغنى دماغنا وجعنا دقيقة سكوت لله
كل جدع فرحان بشبابه يقول فى عنية دموع
ياللى جلبتى شقاه وعذابة حلى لنا الموضوع
طالع نازل يلقى عوازل واقفة بتستناه
يا هل المغنى دماغنا وجعنا دقيقة سكوت لله
حافضين عشره اتناشر كلمه نقل من الجورنال
شوق وحنين وأمل وأمانى وصد وتيه ودلال
واللى اتعاد يتزاد يا خوانا وليل ونهار هواه
يا هل المغنى دماغنا وجعنا دقيقة سكوت الله
الشاعر الكبير ( بيرم التونسى )
